1:17 صباحًا 
القاهرة 
شهدت مواقع التواصل الاجتماعي حالة واسعة من الجدل بعد تداول منشور داخل جروب عقاري شهير، سأل فيه أحد الأشخاص عن تجارب العملاء مع شركة «راين» وآلية سداد الأقساط من الإيجار الإلزامي، قبل أن تتوالى التعليقات الغاضبة والتحذيرات من بعض المتابعين والعملاء.
وجاء في أحد التعليقات:
“رفضوا يعملوا ريسيل للمحل ومنتهي التعنت وعاوزين يسحبوا الوحدة وياخدوا الفلوس مع العلم العمل متوقف في المشروع ومستحيل يتسلم في معاده بتكلم عن مشروع نبض”.
كما كتب أحد المتابعين:
“كلنا بنسأل محدش بيجيب.. مفيش مشروع اشتغل عندهم نشوف المصداقية”.
وفي تعليق آخر أثار تفاعلًا واسعًا، قالت إحدى العميلات:
“أنا واحد من الناس اللي وثقت في شركة تطوير عقاري شركة راين وحطيت تحويشة عمره واستثمرت معاهم على أمل الأمان والالتزام، لكن وقت ما حصل تعثر في الأقساط بدل ما ألاقي تفهم أو محاولة لحل محترم، كان الرد تهديد بسحب المحل وخصم 15% من إجمالي قيمة التعاقد، يعني أكثر من نصف المبلغ اللي اندفع بالفعل”.
وأضافت:
“للأسف بعض الشركات بتكون شاطرة جدًا وقت البيع والكلام المعسول، لكن وقت الأزمات الحقيقة بتبان.. واللي بيتعب سنين عشان يجمع فلوسه مش طبيعي يتعامل وكأنه مجرد رقم في عقد”.
وتابعت:
“أنا مش بطلب إعفاء ولا حاجة مجانية، أنا بطلب عدل ومنطق وحل يحفظ حقوق الطرفين بدل سياسة الأمر الواقع واستغلال بنود العقود ضد العميل”.
واختتمت رسالتها بقولها:
“ودي رسالة لأي حد بيفكر يستثمر: اقرأ العقد ألف مرة واعرف حقوقك كويس قبل ما تسلم تعب عمرك لأي شركة مهما كان اسمها كبير”.
